Nýr for­seti hét því að beita hernum gegn glæpum

Fujimore sagði í ræðu sinni við innsetningarathöfn í Líma að hún tæki við Perú í hörmulegu ástandi en landið byggi yfir miklum möguleikum. Hún hét því að herinn myndi leiða öryggisaðgerðir í neyðarástandi gegn glæpum í landinu. 

Fjöldi erlendra gesta var viðstaddur innsetningarathöfnina, þar á meðal hægrisinnaðir forsetar nágrannaríkjanna Argentínu, Ekvador og Síle. 

Faðir Keiko Fujimore, Alberto Fujimore, var forseti landsins á árunum 1990 til 2000 en var seinna sakfelldur fyrir mannréttindabrot og spillingu. Hann var mjög umdeildur í Perú en í stjórnartíð sinni barði hann harkalega niður uppreisnarsveitir vinstrimanna. Áætlað er að um 69 þúsund manns hafi látist í aðgerðunum.

Í forsetakosningum í júní sigraði hún keppinaut sinn Roberto Sánchez naumlega í seinni umferð kosninganna. Það var hennar fjórða tilraun til embættis forseta.

Í október á síðasta ári samþykkti perúska þingið að svipta Dinu Boluarte, þáverandi sitjandi forseta landsins, embætti vegna meints getuleysis ríkisstjórnar hennar í að taka á glæpaöldu sem gekk yfir landið. José Jeri, þingforseti, tók við embætti forseta tímabundið í hennar stað.

Stjórnartíð Boluarte var plöguð af alls kyns hneykslismálum en glæpir voru einnig verið stórt vandamál.