Tekur við við­skipta­deild Bif­rastar eftir átaka­vetur

Auk þess að stýra viðskiptadeildinni tekur Rakel sæti í framkvæmdastjórn háskólans, að því er kemur fram í tilkynningu frá skólanum.

Forveri Rakelar í stóli forseta viðskiptadeildarinnar var Guðrún Johnsen. Hún var ein þriggja stjórnenda á Bifröst sem Félag akademískra starfsmanna lýstu vantrausti á eftir að þau drógu í efa að þrír starfsmenn deildarinnar væru réttilega skráðir meðhöfundar fræðigreina í vetur.

Siðanefnd háskólans hreinsaði starfsmennina þrjá af öllum ásökunum. Einum þeirra hafði þá þegar verið sagt upp störfum. Hann var síðar endurráðinn.

Margrét Jónsdóttir Njarðvík sagði af sér sem rektor Háskólans á Bifröst í febrúar. Ólína Kjerúlf Þorvarðardóttir tók við stöðunni af Margréti.

Rakel hefur verið fastráðin lektor við viðskiptadeildina á Bifröst frá árinu 2024 en hún hefur einnig kennt við Háskóla Íslands, Háskólann í Reykjavík og Háskólanum í Texas í Bandaríkjunum. Hún er með doktorspróf í ráðgjafarsálfræði frá síðastnefnda háskólanum.

Þá stýrði Rakel mannauðsmálum og sat í framkvæmdastjórnum hjá Norðuráli, Bláa lóninu og Garra.