Raya lengi að taka sig til og Gabriel bestur í glímu

Ýmislegt kemur í ljós um leikmenn Arsenal í myndbandinu hér að neðan, þar á meðal hver tekur sér lengstan tíma í að gera sig tilbúinn, hver þykir líklegastur til að klobba mótherja, hver klæðir sig best og hver mun bjóða upp á flottasta nýja fagnið í vetur.

Það kemur kannski ekki á óvart að Gabriel þykir líklegastur í liðinu til að standa sig vel í fjölbragðaglímu, og Mikel Merino er sagður hafa allt til brunns að bera til þess að verða knattspyrnustjóri í framtíðinni.

Myndbandið má sjá hér að neðan.

Englandsmeistararnir hafa byrjað leiktíðina afar vel og unnið fyrstu þrjá leiki sína í ensku úrvalsdeildinni, gegn Coventry, Aston Villa og svo Chelsea í gær. Næst verða þeir á ferðinni í Meistaradeild Evrópu, sem þeir voru grátlega nálægt því að vinna síðasta vor, en Arsenal sækir Napoli heim á miðvikudagskvöld klukkan 19.