„Ég er bara ó­trú­lega leiður yfir þessu“

Mbl.is greindi fyrst frá og hefur eftir Helgu Soffíu Konráðsdóttur, sóknarpresti í Háteigskirkju, að um barsmíðar hafi verið að ræða og atvikið sé „grafalvarlegt“.

„Ég er búinn að vera í þessu í nokkra áratugi og svona lagað hefur, mér vitanlega svo ég muni eftir, ekki komið upp,“ segir Ársæll í samtali við Vísi. Málið sé nú komið í ferli hjá Háteigskirkju en fermingarferðin var hluti af árlegu námskeiði sem fjölmargar kirkjur sækja.

Vonar að börnin læri að elska hvort annað

Helga sagði í samtali við Mbl.is að 52 börn hefðu tekið þar þátt á vegum Háteigskirkju. Ekki náðist í hana við vinnslu þessarar fréttar.

„Við í Vatnaskógi viljum að öllum líði vel og það er okkar markmið að allir finni sig heima í Vatnaskógi,“ segir Ársæll.

„Ég er bara ótrúlega leiður yfir þessu. Það eru börn sem eru þarna. Vonandi spilast bara vel úr þessu og við lærum að elska hvert annað.“