Keyrði inn í mann­fjölda norður af Sydney

Fimm ára stúlka og 67 ára karlmaður eru í lífshættu að sögn lögreglunnar í Nýja-Suður-Wales. Hin átta eru sömuleiðis á sjúkrahúsi en ástand þeirra sagt stöðugt. Önnur fimm ára stúlka og ein tveggja ára sé þeirra á meðal.

Lögreglan segist hafa handtekið átján ára ungmenni sem ók bifreiðinni og vera að rannsaka hvað hafi gerst. Atvikið sé ekki rannsakað sem hryðjuverk.

AP-fréttaveitan greinir frá þessu en þúsundir manna eru sagðir hafa verið viðstaddir æfingar liðsins í vikunni og hvatt það áfram. Stór hópur fólks hafði komið saman á götunni á laugardagsmorgun til að kveðja liðið áður en það tekur þátt í úrslitaleik ruðningsdeildarinnar á morgun.