Atvinnulíf

Ný könnun: 60% um­sækj­enda fá aldrei svör

Rakel Sveinsdóttir skrifar
Guðmundur Jónsson, vöruþróunarstjóri Alfreðs, segir augljós tækifæri fyrir vinnuveitendur að bæta upplifun fólks sem sækir um störf hjá þeim. Því 60% umsækjenda segjast sjaldan eða aldrei fá svör við umsóknum.
Guðmundur Jónsson, vöruþróunarstjóri Alfreðs, segir augljós tækifæri fyrir vinnuveitendur að bæta upplifun fólks sem sækir um störf hjá þeim. Því 60% umsækjenda segjast sjaldan eða aldrei fá svör við umsóknum. Aðsend

Þrýstingur á íslenskum vinnumarkaði magnast hratt. Enda tíðari fréttir um uppsagnir, hækkandi hlutfall atvinnuleysis og skýr merki um kólnun hagkerfis.

Nýlega birtust fréttir um að sex umsækjendur séu nú um hvert laust starf og segir Guðmundur Jónsson, vöruþróunarstjóri Alfreðs, skýr merki í gagnagrunni Alfreðs að umsóknum um störf fjölgi hratt á meðan störfum fækki.

„Umsóknum um störf hefur fjölgað um 12% á milli ára á meðan lausum störfum fækkar um 14%,“ segir Guðmundur og bætir við:

Ofan á harðnandi samkeppni mætir umsækjendum oft algjör þögn, þar sem sex af hverjum tíu upplifa að fá sjaldan eða aldrei svör við umsóknum.“

Margir í starfi samt að leita

Þann 15. október mun Alfreð standa fyrir viðburðinum Ráðningasúpan. Uppselt er á viðburðinn en þar verða kynntar niðurstöður nýlegrar könnunar sem Alfreð stóð fyrir í sumar og Atvinnulífið mun fjalla nánar um síðar í október.

Könnunin var lögð fyrir í sumar meðal viðskiptavina Alfreðs, bæði einstaklinga og vinnuveitenda. Markmiðið var að kortleggja stöðuna beggja megin borðsins.

Tæplega 5.500 einstaklingar og um 450 fyrirtæki tóku þátt.

Um það hversu hátt hlutfall umsækjenda fái sjaldan eða aldrei svör við umsóknum sínum segir Guðmundur:

„Þetta er eitthvað sem við erum markvisst að reyna að laga, bæði með kerfisbreytingum en einnig með því að sýna fyrirtækjum meiri tölfræði yfir hvernig þau standa sig. Enda sjáum við greinilega að það eru tækifæri til að bæta upplifun umsækjenda,“ segir Guðmundur og vísar þar til nýjunga sem Alfreð boðar um aukið upplýsingaflæði til atvinnuleitenda en einnig vinnuveitenda um svarhlutfall þeirra og fleira. Meðal annars með það að leiðarljósi að gera fyrirtækjum auðveldara að rækta sambandið við umsækjendur.

Athygli vekur hversu margir eru þó að leita að nýju starfi, þótt þeir séu nú þegar í starfi, en í könnun Alfreðs nam þetta hlutfall 46,9%.

„Það að tæplega helmingur fólks í starfi sé opinn fyrir nýjum tækifærum sýnir okkur að það er mikil hreyfing á atvinnumarkaðnum. 

Fyrirtæki þurfa því bæði að huga vel að því að halda í gott fólk en einnig eru mikil tækifæri til að ná til öflugra starfsmanna sem eru ekki í virkri atvinnuleit en tilbúnir að stökkva ef rétta tækifærið býðst,“ 

segir Guðmundur.

Á Ráðningasúpu Alfreðs sem haldinn verður 15.október verða kynntar niðurstöður nýrrar könnunar Alfreðs á meðal einstaklinga og fyrirtækja. Atvinnulífið mun fjalla nánar um málið síðar í október en athygli vekur að tæplega helmingur fólks sem nú þegar er í starfi - er opið fyrir því að skipta um starf.Vísir/Alfreð
Vinnumarkaður Starfsframi

Tengdar fréttir

Ekkert blabla: „Þetta er bara ógeðs­lega fokking erfitt og það má vera það“

„Við lifum oft eftir væntingum sem enginn annar er að gera til okkar. Þetta sjáum við sérstaklega sterkt hjá karlmönnum. Það er kynjamunur í upplifun á atvinnuleysi og karlar eiga erfiðara með þetta andlega. Þeir eru með þessa innbyggðu hugmynd: „Ég vil vera til staðar, ég verð að skaffa“. En oft er makinn ekkert að gera þá kröfu,“ segir Ólafur Kári Júlíusson vinnusálfræðingur og eigandi ráðgjafaþjónustunnar Vinnuvís.

Meira um at­vinnu­leysi: „Tækifærin eru líka mörg á lands­byggðinni“

Að sögn Geirlaugar Jóhannsdóttur, ráðgjafa og stjórnendamarkþjálfa hjá Hagvangi, eru um átta þúsund manns í atvinnuleit í augnablikinu. Sá hópur sem telur til fólks sem hefur verið án atvinnu í meira en 12 mánuði telur að jafnaði innan við tvö þúsund manns. Enda atvinnuleysi almennt lágt hlutfallslega á Íslandi miðað við víða erlendis.

Atvinnumissir: „Ég kunni nú ekki við að spyrja Jón beint“

„Fríin mín voru eins og hjá flestum. Kannski einhverjar tvær vikur í senn. Og þá hugsaði ég oft með mér: Hvað það væri nú frábært að geta verið í fríi í svona tvo mánuði á launum og geta gert það sem manni langar til,“ segir Jón Jósafat Björnsson, framkvæmdastjóri Dale Carnegie um tímabilið þegar hann varð atvinnulaus um árið.



Mest lesið


Fleiri fréttir

Sjá meira


×

Mest lesið