Enginn valdi Ís­land fyrir næsta EM

Þó að enn séu rúmir 14 mánuðir í að mótið hefjist þá var tilkynnt um það í dag að miðasala hæfist í næstu viku.

Um leið tilkynnti EHF hvaða sex liðum væri nú þegar búið að velja sess í riðlunum sex á EM. Gestgjafarnir þrír fengu auðvitað eitt sæti hver en þeir gátu svo valið eitt lið hver til að raða í riðil í sínu landi.

Um frjálst val gestgjafanna er að ræða sem oft veltur á því hve líklegir stuðningsmenn eru til að fjölmenna á mótin. Ísland var valið inn á HM í Þýskalandi í janúar næstkomandi sem og á síðustu tvö Evrópumót: í Svíþjóð í byrjun þessa árs og í Þýskalandi 2024.

Noregur, Þýskaland og Færeyjar fyrir valinu

A- og B-riðill verða á Spáni og munu Spánverjar spila í A-riðli en Norðmenn í B-riðli sem spilaður verður í Valencia, að því gefnu að þeir komist inn á mótið.

Sviss verður á heimavelli í Zürich í C-riðli og valdi Þýskaland í D-riðilinn sem einnig verður í Zürich.

Loks verða Portúgalar í F-riðli í Lissabon og þeir völdu Færeyjar í E-riðilinn sem einnig verður í Lissabon.

Milliriðlar í Valencia og Lissabon en úrslitin í Madrid

Efstu tvö liðin úr A-, B- og C-riðli munu spila í milliriðli í Valencia en efstu tvö liðin úr D-, E- og F-riðli munu spila í milliriðli í Lissabon.

Undanúrslit og úrslit fara svo fram í Madrid en mótið fer fram dagana 13.-30. janúar árið 2028.