Spænski boltinn

Fréttamynd

Ramos hefur áhyggjur fyrir bikarúrslitaleikinn

Juande Ramos, þjálfari Sevilla á Spáni, segist hafa áhyggjur af mikilli bjartsýni í herbúðum liðsins fyrir úrslitaleikinn í spænska konungsbikarnum á Santiago Bernabeu á laugardagskvöldið. Andstæðingar Sevilla verða meistarabanarnir í Getafe og verður leikurinn sýndur beint á Sýn.

Fótbolti
Fréttamynd

Getafe íhugar að kæra Real Madrid

Forráðamenn spænska knattspyrnufélagsins Getafe eru að íhuga að kæra Real Madrid til knattspyrnusambandsins þar í landi ef það sannast að stórliðið hafi gert drög að samningi við þjálfarann Bernd Schuster um að taka við stórliðinu á næstu leiktíð.

Fótbolti
Fréttamynd

Laporta: Rijkaard verður áfram

Joan Laporta, forseti Barcelona, segir að þjálfarinn Frank Rijkaard verði áfram í starfi út næstu leiktíð. Þessa yfirlýsingu gaf hann út í dag í kjölfar sögusagna sem fóru á kreik í gær um að félagið ætlaði að reyna að fá til sín Arsene Wenger frá Arsenal.

Fótbolti
Fréttamynd

Þrjú félög á Spáni vilja Reyes

Umboðsmaður spænska landsliðsmannsins Jose Antonio Reyes hjá Arsenal segir að þrjú félög á Spáni séu búin að setja sig í samband við sig með það fyrir augum að kaupa leikmanninn. Framtíðin er mjög óljós hjá Reyes, sem helst vill vera áfram hjá Real Madrid þar sem hann lék sem lánsmaður í vetur. Hann vill alls ekki snúa aftur til Englands þar sem hann er samningsbundinn Arsenal.

Fótbolti
Fréttamynd

Vilja losna við Eið Smára

Eiður Smári Guðjohnsen nýtur lítils trausts á meðal stuðningsmanna Barcelona í spænska boltanum. Flestir stuðningsmanna vilja losa sig við landsliðsfyrirliðann. Þetta kemur fram í skoðankönnum á meðal stuðningsmanna liðsins og birtist á spænska netmiðlinum Sport.es í gær.

Fótbolti
Fréttamynd

Flores verður áfram hjá Valencia

Forráðamenn Valencia tilkynntu í dag að þjálfarinn Quique Sanchez Flores verði áfram hjá félaginu á næstu leiktíð. Fyrrum leikmaðurinn Amedeo Carboni mun hinsvegar hætta störfum sem yfirmaður knattspyrnumála hjá félaginu eftir sífellda árekstra við Flores á síðustu leiktíð. Valencia endaði í fjórða sæti spænsku deildarinnar og tryggði sér sæti í umspili um sæti í Meistaradeildinni.

Fótbolti
Fréttamynd

Dudek myndi sætta sig við tréverkið hjá Real

Pólski markvörðurinn Jerzy Dudek hjá Liverpool segir að tilhugsunin um að sitja á varamannabekk myndi ekki aftra sér í að ganga í raðir Real Madrid á Spáni ef svo færi að félagið vildi fá sig í sínar raðir. Það var einmitt seta hans á varamannabekknum sem gerði það að verkum að hann vildi fara frá Liverpool.

Fótbolti
Fréttamynd

Real Madrid - Þrír leikmenn á leiðinni

Forráðamenn Real Madrid tilkynntu í dag að félagið væri búið að ganga frá kaupum á þýska landsliðsmanninum Christoph Metzelder frá Dortmund þar sem hann er með lausa samninga í sumar. Þá segir forseti spænska félagsins að þrír aðrir leikmenn séu á leið til Real í sumar.

Fótbolti
Fréttamynd

Reyes grátbiður um að fá að vera áfram í Madrid

Spænski landsliðsmaðurinn Jose Antonio Reyes hefur nú enn á ný farið þess á leit við forráðamenn Real Madrid að þeir geri lánssamning hans að varanlegum samningi. Reyes var á lánssamningi hjá spænsku meisturunum í vetur frá Arsenal á Englandi, en vill alls ekki snúa aftur til Englands. Hann gegndi lykilhlutverki í leik liðsins um helgina þar sem það tryggði sér meistaratitilinn.

Fótbolti
Fréttamynd

Capello óviss með framtíð sína

Fabio Capello veit ekki ennþá hvort að hann verði áfram hjá Real Madrid á næsta tímabili, þrátt fyrri að hafa unnið deildina með liðinu í gær. Það var í fyrsta sinn sem sem stórveldið frá Madrid vinnur deildina í fjögur ár.

Fótbolti
Fréttamynd

Real Madrid Spánarmeistari

Real Madrid tryggði sér Spánartitilinn í kvöld með góðum sigri á Mallorca 3-1. José Antonio Reyes skoraði tvö mörk fyrir meistarana og Diarra eitt. Í hálfleik var staðan 0-1 fyrir Mallorca.

Fótbolti
Fréttamynd

Barcelona með aðra höndina á titlinum

Eins og staðan er í hálfleik í síðustu umferð La Liga, verður það Barcelona sem hampar Spánartiltlinum í kvöld. Barcelona er að vinna Gimnastic 3-0 á meðan Real Madrid er að tapa gegn Mallorca 1-0. Carlos Pyuol, Lionel Messi og Ronaldinho skoruðu mörk Barcelona. Staðan í leik Sevilla og Villareal er 0-0.

Fótbolti
Fréttamynd

Spánn: Síðustu leikirnir að hefjast

Síðustu leikir La Liga á Spáni eru að hefjast. Þrjú lið eiga möguleika á titlinum þetta árið. Real Madrid nægir að sigra Mallorca á heimavelli til að hreppa titilinn. Barcelona þarf að treysta á að Madrid tapi stigum á meðan þeir vinna Gimastic á útilvelli.

Fótbolti
Fréttamynd

Real Sociedad og Celta Vigo falla ásamt Gimnastic

Real Sociedad og Celta Vigo eru fallin úr efstu deild á Spáni. Mikil spenna var á botninum og voru fimm lið sem gátu fallið í dag. Real Sociedad gerði 3-3 jafntefli við Valencia á útivelli en það dugði ekki til.

Fótbolti
Fréttamynd

Real meistari vinni það í kvöld

Real Madrid og Barcelona eru jöfn að stigum fyrir lokaumferðina í La Liga á Spáni í kvöld. Vinni Real leikinn gegn Mallorca tryggja þeir sér titilinn þar sem það hefur betri innbyrðisviðureignir gegn Barcelona sem mætir botnliði Gimnastic. Ef bæði lið tapa getur Sevilla tryggt sér titilinn.

Fótbolti
Fréttamynd

Milan segist ekki ætla að selja Kaka

AC Milan ætlar sér ekki að selja Kaka þrátt fyrir að faðir Brasilíumannsins hafi fundað með Real Madrid. Adriano Galliani, varaforseti AC Milan sagði fréttamönnum þetta í morgun. „Við getum staðfest að Kaka verður ekki seldur en við vissum af fundi föður hans með Real þar sem hann hafði þegar sagt okkur frá honum.“

Fótbolti
Fréttamynd

Eiður vill helst vera áfram á Spáni

Eiður Smári Guðjohnsen segist ætla að gera allt sem í hans valdi stendur til að sanna sig í herbúðum spænska liðsins Barcelona og stefnir á að mæta tvíefldur til leiks með liðinu á næsta tímabili. Smelltu á spila til að sjá viðtal við kappann sem birtist í Íslandi í dag á Stöð 2 í kvöld.

Fótbolti
Fréttamynd

Eiður orðaður við Manchester United

Sky Sports greinir frá því í dag að viðræður séu komnar í gang milli Barcelona og Manchester United um leikmannaskipti sem gætu þýtt að Eiður Smári Guðjohnsen færi aftur til Englands. Sky segir að spænska félagið hafi ekki frekari not fyrir Eið og segir að til greina komi að honum verði skipt til United fyrir varnarmanninn Gerard Pique. Sá lék sem lánsmaður með Zaragoza í vetur og stóð sig með prýði. Hann hefur áður verið í röðum Barcelona.

Fótbolti
Fréttamynd

Beckham sagði bless í dag

Enski landsliðsmaðurinn David Beckham sat í dag blaðamannafund hjá Real Madrid þar sem hann þakkaði stuðningsmönnum liðsins fyrir góðan tíma og tók af allan vafa um framtíð sína. Beckham fer til LA Galaxy í Bandaríkjunum í sumar og vonast til að kveðja Madrid með titli um helgina. Smelltu á spila til að sjá myndband af blaðamannafundinum.

Fótbolti
Fréttamynd

Dudek að íhuga tilboð frá Real Madrid?

Pólski markvörðurinn Jerzy Dudek hjá Liverpool er sagður hafa fengið tilboð um að ganga í raðir Real Madrid á frjálsri sölu í sumar. Samningur markvarðarins við Liverpool rennur út í sumar og á heimasíðu sinni greini markvörðurinn frá því að hann sé að íhuga tilboð frá "einu besta, ef ekki besta félagi í heimi."

Fótbolti
Fréttamynd

David Villa: Ég vil vera áfram hjá Valencia

Spænski landsliðsframherjinn David Villa hjá Valencia segist ekki vilja fara frá félaginu þrátt fyrir að hafa verið mikið orðaður við lið í ensku úrvalsdeildinni í sumar. Chesea, Manchester United og Liverpool eru sögð hafa mikinn áhuga á leikmanninum en hann er samningsbundinn Valencia til 2013. Hann hefur skorað 15 mörk í 35 deildarleikjum á leiktíðinni.

Fótbolti
Fréttamynd

Edmilson: Við vorum sjálfum okkur verstir

Brasilíski miðjumaðurinn Edmilson hjá Barcelona segir að félagið verði að taka til í herbúðum sínum í sumar, því ólga innan liðsins hafi að sínu mati kostað það dýrt í vetur og það verði að laga ef árangur á að nást á næsta tímabili.

Fótbolti
Fréttamynd

Tímabilið búið?

Alls er óvíst hvort Eiður Smári Guðjohnsen geti spilað með Barcelona í lokaleik spænsku deildarinnar. Eiður fékk slæmt högg á vinstra hnéð og neyddist til að snúa aftur til búningsherbergja. Ekki er ljóst hversu lengi Eiður verður frá en það ætti að koma í ljós eftir nánari skoðun.

Fótbolti
Fréttamynd

Samuel Eto´o ætlar ekki að fara fet

Framherjinn Samuel Eto´o segist alls ekki vera að íhuga að fara frá Barcelona í sumar og segist muni fagna því ef Thierry Henry gengi til liðs við félagið. Eto´o segist í samtali við Sky vera með samning við Barcelona og því geti liðið ekki losnað við hann þó það vildi.

Fótbolti
Fréttamynd

Capello kennir sér um brottför Beckhams

Fabio Capello, framkvæmdastjóri Real Madrid, kennir sjálfum sér um brottför Davids Beckham frá félaginu. Hann tók Beckham úr liðinu og stuttu seinna skrifaði Beckham undir samning hjá LA Galaxy.

Fótbolti
Fréttamynd

Beckham og félögum lofað 35 milljón króna bónus

David Beckham og félögum hans í Real Madrid hefur hverjum og einum verið lofaður bónus upp á 35 milljónir króna ef félagið klárar sitt um næstu helgi og verður spænskur meistari. Þetta kann að vera klink fyrir mann á borð við Beckham, en þessi upphæð er þó hærri en margir af verðandi félögum hans hjá LA Galaxy fá í laun á ári.

Fótbolti
Fréttamynd

Beckham mun fara til LA Galaxy

Mikið hefur verið ritað um orð forseta Real Madrid í dag þegar hann sagði að félagið ætlaði að gera allt sem í þess valdi stæði til að halda leikmanninum áfram í herbúðum sínum. Talsmaður Beckham var fljótur að svara þessu í dag og sagði leikmanninn vera með samning við LA Galaxy og ekki kæmi annað til greina en að virða hann.

Fótbolti
Fréttamynd

Forseti Real Madrid vill halda David Beckham

Sky sjónvarpsstöðin greindi frá því nú fyrir stundu að forseti Real Madrid, Ramon Calderon, hefði lýst því yfir að hann ætlaði að gera allt sem í hans valdi stæði til að halda David Beckham í röðum spænska félagsins áfram. Beckham hefur þegar samþykkt að ganga í raðir LA Galaxy í sumar. Frekari fréttir af málinu koma væntanlega síðar í dag.

Fótbolti
Fréttamynd

Messi fetar aftur í fótspor Maradona - Nú með hönd Guðs

Argentínumaðurinn Leo Messi hjá Barcelona var í sviðsljósinu í kvöld þegar Barcelona og Espanyol skildu jöfn 2-2. Messi skoraði bæði mörk Barcelona í leiknum en það fyrra skoraði hann greinilega með höndinni. Hann hefur því á stuttum tíma hermt faglega eftir báðum mörkum landa síns Maradona frá því gegn Englendingum á HM árið 1986. Nú er bara spurning hvort kappinn talar um að þarna hafi hönd Guðs verið að verki.

Fótbolti

Mest lesið