Reus framlengdi við Dortmund

Þó svo það gangi illa hjá Dortmund þá eru stjörnur liðsins til í að halda tryggð við félagið.

Mats Hummels fór ekkert í janúar þó svo hann væri sterklega orðaður við Man. Utd og fleiri félög.

Landsliðsmaðurinn Marco Reus er síðan búinn að skrifa undir nýjan samning við félagið til ársins 2019.

Gamli samningurinn átti að renna út árið 2017 og þrátt fyrir áhuga annarra liða ætlar Reus að spila áfram með sínu liði.

Forráðamenn félagsins eru afar stoltir af stráknum og segja það til marks um karakter leikmannsins að hann sé til í að framlengja þó gengi liðsins sé hörmulegt í deildinni heima.