Ástþór mætir ekki í upptöku RÚV

Ástþór Magnússon forsetaframbjóðandi telur sér ekki fært að mæta í sjónvarpsupptöku RÚV á þriðjudagsmorgun þar sem ástæða sé til að ætla að þátturinn verði ritskoðaður og síðan klipptur og skorinn eftir geðþótta starfsmanna RÚV. Ástþór segist þá miða við þá reynslu sem komin er af fjölmiðlun RÚV í yfirstandandi kosningabaráttu. Þetta kemur fram í fréttatilkynningu sem hann sendi frá sér fyrir stundu. Ástþór segir sér hins vegar ljúft að mæta í beina útsendingu á þriðjudagskvöld, á þeim tíma sem ætlunin er að senda þáttinn í loftið.