Róbert til Gummersbach

Fátt getur komið í veg fyrir að línumaðurinn snjalli, Róbert Gunnarsson, gangi til liðs við þýska úrvalsdeildarliðið Gummersbach. Róbert hitti framkvæmdastjóra og þjálfara liðsins í dag og fór í læknisskoðun. Hann horfði á Gummersbach vinna Essen í gær. Guðjón Valur Sigurðsson skoraði fimm mörk fyrir Essen en hann verður hjá Gummersbach á næsta tímabili eins og væntanlega Róbert sem er laus í vor hjá danska liðinu Århus. Umboðsmaður Róberts, Wolfgang Guttshow, gengur frá tveggja ára samningi við Gummersbach á næstu dögum fyrir hönd Róberts.