Landsbankinn með útibú á Englandi

Landsbankinn hefur sent tilkynningu til Fjármáleftirlitsins þess efnis að bankinn hafi ákveðið að stofna útibú á Englandi. Landsbankinn tók þessa ákvörðun þar sem bein þjónusta bankans á Englandi hefur stóraukist og gert er ráð fyrir að sú þróun haldi áfram samkvæmt tilkynningu á vef Kauphallar Íslands. Lárus Welding, sem starfað hefur á fyrirtækjasviði Landsbankans, verður útibússtjóri. Starfsemi útibúsins verður tvíþætt: annars vegar útlánastarfsemi í formi sambankalána þar sem Landsbankinn er annað hvort þátttakandi eða leiðandi lánveitandi, og hins vegar fyrirtækjaráðgjöf.