Baugi ekki vandaðar kveðjurnar

65 starfsmönnum Magasín-verslunarinnar í Álaborg í Danmörku hefur verið sagt upp í kjölfar þess að ákveðið hefur verið að loka versluninni þann 31. júlí næstkomandi. Eins og kunnugt er keypti Baugur Magasín-verslanakeðjuna á síðasta ári en hún hafði verið í eigu Dana í 136 ár. Danskir fjölmiðlar fara ekki fögrum orðum um hina nýju íslensku eigendur í dag og segja þá ekki fylgja eftir gömlum hefðum í rekstri sínum á Magasín-keðjunni. Þeir sendi til að mynda ekki út neinar fréttatilkynningar - og láti reyndar ekkert heyra í sér yfir höfuð.