AC Milan og Juventus enn efst

Juventus sigraði Roma 2-1 á Ólympíuleikvanginum í Rómaborg í miklum slagsmálaleik í gær og AC Milan tryggði sér naumlega sigur á Atalanta. Liðin eru því enn efst í ítölsku knattspyrnunni með jafnmörg stig, eða 60. Fabio Canavarro kom Juventus yfir á 11. mínútu en þegar fimm mínútur voru eftir af fyrri hálfleik náði Antonio Cassano að jafna leikinn fyrir Roma. Þegar venjulegum leiktíma var að ljúka í fyrri hálfleik fékk Juventus vítaspyrnu á silfurfati sem Alessadro Del Piero skoraði úr. Andrea Pirlo tryggði AC Milan sigur á Atlanta, 2-1, með síðustu spyrnu leiksins.