Bóklestur á undanhaldi 6. apríl 2005 00:01 "Hefðbundinn bóklestur og hefðbundinn blaðalestur er á mjög hröðu undanhaldi hjá börnum og unglingum," segir Þorbjörn. Þrátt fyrir þær niðurstöður telur hann margt benda til að íslensk ungmenni lesi mjög mikið og skrifi meira en nokkru sinni fyrr. Þá er hann að vísa í netið. "Þau lesa á netinu og skrifa á netið og þau eru sífellt að afla sér upplýsinga með auðveldari og öflugri hætti en áður," segir prófessorinn. Þorbjörn hóf rannsókn sína árið 1968 en síðustu tölur úr henni eru frá árinu 2003. Í kringum 800 börn á aldrinum 10-15 ára, til heimilis í Reykjavík, á Akureyri og í Vestmannaeyjum voru spurð spurninga um notkun sína á hinum ýmsu miðlum. Könnunin var gerð á skólatíma, eða frá mars fram í maí og námsbækur töldust ekki með. Spurningunni "Hefurðu lesið bók síðustu 30 daga?" svöruðu 41% drengja neitandi og 24% stúlkna. Samtals 33% íslenskra barna höfðu enga bók lesið sér til skemmtunar á vormánuðum 2003. Árið 1968 var niðurstaðan sú að 11% barna höfðu ekkert lesið. Spurningunni "Hefurðu lesið 1-9 bækur síðustu 30 daga," svöruðu 56% drengja játandi í síðustu könnun og 72% stúlkna eða samtals 64%. Aðeins 3% drengja og 4% stúlkna lásu meira en 9 bækur. Þorbjörn kannaði líka daglega internetnotkun barnanna og þar kom fram að um helmingur þeirra notaði internetið daglega, 60% stráka og um 40% stelpna. Sjónvarpið er líka miðill sem unga fólkið notar mikið. 40% þeirra barna sem spurð voru höfðu sjónvarp í eigin herbergi og horfðu því oftast ein. Ríkissjónvarpið var í 4. sæti af þeim stöðvum sem þau nota mest með aðeins 15% áhorf en Skjár 1 var vinsælastur hjá þeim árið 2003 með 52% áhorf. Gefum Þorbirni að síðustu orðið: "Sjónvarpsnotkun hefur aukist en heldur ekki áfram að aukast í sama mæli og á tímabili." Tilveran Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Var talin vera hommi og lögð í einelti Lífið Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Frumsýning á Vísi: Helga Braga í kolsvartri kómedíu Bíó og sjónvarp Janet Jackson biðst afsökunar á undarlegum ummælum Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
"Hefðbundinn bóklestur og hefðbundinn blaðalestur er á mjög hröðu undanhaldi hjá börnum og unglingum," segir Þorbjörn. Þrátt fyrir þær niðurstöður telur hann margt benda til að íslensk ungmenni lesi mjög mikið og skrifi meira en nokkru sinni fyrr. Þá er hann að vísa í netið. "Þau lesa á netinu og skrifa á netið og þau eru sífellt að afla sér upplýsinga með auðveldari og öflugri hætti en áður," segir prófessorinn. Þorbjörn hóf rannsókn sína árið 1968 en síðustu tölur úr henni eru frá árinu 2003. Í kringum 800 börn á aldrinum 10-15 ára, til heimilis í Reykjavík, á Akureyri og í Vestmannaeyjum voru spurð spurninga um notkun sína á hinum ýmsu miðlum. Könnunin var gerð á skólatíma, eða frá mars fram í maí og námsbækur töldust ekki með. Spurningunni "Hefurðu lesið bók síðustu 30 daga?" svöruðu 41% drengja neitandi og 24% stúlkna. Samtals 33% íslenskra barna höfðu enga bók lesið sér til skemmtunar á vormánuðum 2003. Árið 1968 var niðurstaðan sú að 11% barna höfðu ekkert lesið. Spurningunni "Hefurðu lesið 1-9 bækur síðustu 30 daga," svöruðu 56% drengja játandi í síðustu könnun og 72% stúlkna eða samtals 64%. Aðeins 3% drengja og 4% stúlkna lásu meira en 9 bækur. Þorbjörn kannaði líka daglega internetnotkun barnanna og þar kom fram að um helmingur þeirra notaði internetið daglega, 60% stráka og um 40% stelpna. Sjónvarpið er líka miðill sem unga fólkið notar mikið. 40% þeirra barna sem spurð voru höfðu sjónvarp í eigin herbergi og horfðu því oftast ein. Ríkissjónvarpið var í 4. sæti af þeim stöðvum sem þau nota mest með aðeins 15% áhorf en Skjár 1 var vinsælastur hjá þeim árið 2003 með 52% áhorf. Gefum Þorbirni að síðustu orðið: "Sjónvarpsnotkun hefur aukist en heldur ekki áfram að aukast í sama mæli og á tímabili."
Tilveran Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Var talin vera hommi og lögð í einelti Lífið Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Frumsýning á Vísi: Helga Braga í kolsvartri kómedíu Bíó og sjónvarp Janet Jackson biðst afsökunar á undarlegum ummælum Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira