Hönnun og Tandur fyrirtæki ársins

Hönnun hf. og Tandur hf. eru fyrirtæki ársins 2005 samkvæmt niðurstöðum könnunar Verslunarmannafélags Reykjavíkur sem send var til yfir tuttugu þúsund starfsmanna á vinnumarkaði. Hönnun var í flokki stærri fyrirtækja með 4,41 í heildareinkunn af fimm mögulegum en Tandur, sem er í flokki minni fyrirtækja, fékk 4,67 í einkunn. Þetta er í níunda skipti sem VR stendur fyrir vali á fyrirtæki ársins en svarhlutfall að þessu sinni var um fimmtíu prósent. Tandur hefur þrisvar verið valið fyrirtæki ársins, árin 2000, 2001 og 2002.