Blikastúlkur enn ósigraðar

Breiðablik heldur áfram órofinni sigurgöngu sinni í Landsbankadeild kvenna. Kópavogsstúlkur lönduðu sínum fimmta sigri í röð í deildinni í kvöld þegar þær fóru yfir bæjarmörkin og lögðu Stjörnuna 1-2 á Stjörnuvelli. Ólína Viðarsdóttir og Lára Hafliðadóttir skoruðu mörk Blikastúlkna en Björk Gunnarsdóttir mark Stjörnunnar. KR vann nýliða Keflavíkur 4-1 á KR-velli og FH sótti þrjú stig upp á Skaga þar sem ÍA tapaði 1-3. Blikar eru á toppnum með 15 stig en Íslandsmeistarar Vals er í 2. sæti með 12 stig eftir fimm leiki. 5. umferð lýkur á laugardag kl 14:00 með leik Keflavíkur og ÍBV. Einn leikur fór fram í 1. deild kvenna í kvöld. Leiknir Fáskrúðsfirði tapaði fyrir Fjarðabyggð, 1-3.