Shearer biðlar enn til Owen

Alan Shearer, fyrirliði Newcastle, er enn að biðla til fyrrum félaga síns í enska landsliðinu um að ganga til liðs við sig í framlínu Newcastle frá Real Madrid og nú hefur hann sagt að Owen verði hetja á St James´ Park ef hann komi þangað sem lánsmaður. "Það þarf engan snilling til að sjá hvað við hérna fyrir norðan viljum. Okkur vantar góðan markaskorara og höfum þrjá daga til að verða okkur út um hann," sagði Shearer. "Michael Owen er nákvæmlega maðurinn sem við þurfum og ég get fullyrt að hann verður hetja á St James´ Park ef hann kýs að ganga til liðs við okkur," sagði fyrirliðinn.