Nýr fjármálastjóri Samherja

Sigursteinn Ingvarsson var í dag ráðinn fjármálastjóri Samherja hf. og tekur við starfi fráfarandi fjármálastjóra, Guðmundar Baldvins Guðmundssonar. Sigursteinn mun hafa umsjón með rekstri fjármála- og upplýsingasviðs félagsins. Undanfarin þrjú ár hefur Sigursteinn starfað að ýmsum sérverkefnum á vegum félagsins, s.s. við innleiðingu á nýju upplýsingakerfi, fjármálum söludeildar, uppgjörum og ársreikningagerð, ásamt því að hafa starfað sem staðgengill fjármálastjóra. Sigursteinn er rekstrarfræðingur frá Viðskiptaháskólanum á Bifröst og starfaði í tæp fimm ár hjá endurskoðunarfyrirtækinu KPMG áður en hann hóf störf hjá Samherja. Sigursteinn er kvæntur Ingu Völu Magnúsdóttur og eiga þau tvær dætur.