Ítalía: Kýldi vallarstarfsmann

Alessandro Del Piero skoraði eina mark Juventus sem heldur áfram ótrauðri sigurgöngu sinni í ítölsku úrvalsdeildinni í fótbolta með 1-0 sigri á Messina í gærkvöldi. Juve hefur unnið alla fyrstu sjö leikina í deildinni og því með fullt hús stiga eða 21 stig. Forysta Juve er nú komin í 8 stig á AC Milan sem er í 2. sæti með 13 stig en á leik til góða gegn Cagliari í kvöld. Juve lék án Patrick Vieira en Lilian Thuram og Zlatan Ibrahimovic léku með þrátt fyrir að vera tæpir á formi. Del Piero var maður leiksins með ítalska landsliðinu í vikunni sem vann 2-1 sigur á í vikunni en var óvænt í byrjunarliðinu í gærkvöldi eins og Adrian Mutu sem lék á miðjunni gegn Messina. Í hinum leik gærkvöldsins tapaði Siena fyrir Udinese, 2-3 í leik þar sem afar sjaldgæf sjón varð fyrir augum áhorfenda. David Di Michele skoraði þrennu og kom gestunum í Udinese yfir, 0-3 áður en heimamenn voru búnir að minnka muninn í 2-3 á 67. mínútu. Það var svo á 87. mínútu sem miklar ryskingar brutust út. Nígeríski sóknarmaðurinn í liði Udinese, Christian Obodo, fékk að líta rauða spjaldið fyrir að slá starfsmann vallarins í andlitið. Brotið hafði verið á Obodo og starfsmenn vallarins komu inn á með börur til að bera hann af velli. Þegar umræddur starfsmaður reyndi að reka á eftir leikmanninum sem ætlaði að taka sér óratíma í að koma sér af velli, gerði hann sér lítið fyrir og sló vallarstarfsmanninn höggi beint á nefið. 8 leikir fara fram í deildinni á Ítalíu í dag; Ascoli - Sampdoria Empoli - Roma Inter Milan - Livorno Lazio - Fiorentina Palermo - Chievo Parma - Treviso Reggina - Lecce Cagliari - AC Milan