Frjálshyggjan á hröðu undanhaldi

Frjálshyggjan er á hröðu undanhaldi um allan heim, líka á Íslandi, sagði Ingibjörg Sólrún Gísladóttir, formaður Samfylkingar á flokksstjórnarfundi í morgun. Hún sagði stjórnmálabaráttuna á Íslandi standa milli Samfylkingar og Sjálfstæðisflokks.

Ingibjörg Sólrún sagði íhalds- og frjálshyggjumenn allra landa reyna að tileinka sér anda og yfirbragð jafnaðarstefnunnar til að fóta sig á pólitísku landslagi þar sem frjálshyggjan væri á undanhalid. Hún sagði að það myndu þeir líka gera hér á landi en fólk ætti ekki að sætta sig við slæmar eftirlíkingar þegar frumgerðin væri í boði. Hún sagði fréttir síðustu mánaða staðfesta muninn á norræna kerfinu og því bandaríska sem reynslan hefði sýnt að væri mjög vanbúið til að takast á við ógnir sem að því steðja, af mannavöldum og náttúrunnar.