Innfluttar vörur hækka

Innfluttar vörur hafa hækkað í verði um 7,1 prósent frá áramótum en gengisvísitala krónunnar hefur hækkað um 27 prósent á sama tímabili. Því má búast við áframhaldandi verðhækkunum á innfluttum vörum segir í Morgunkornum greiningardeildar Glitnis.

Greiningardeildin telur þó ólíklegt að verð innflutts varnings hækki hlutfallslega jafnmikið og gengi krónunnar hefur lækkað. Verðhækkanir muni engu að síður ýta enn undir verðbólgu í hagkerfinu.

Þá er því spáð að verðbólga verði áfram mikil á næstu mánuðum og verði nálægt níu prósentum í árslok. Hún taki síðan að hjaðna á næsta ári þegar dregur úr þenslu í efnahagslífinu.