BTC hagnast meira

Búlgarska símafélagið BTC skilaði 3,6 milljarða króna hagnaði á öðrum ársfjórðungi, sem er 58 prósenta aukning frá sama tímabili í fyrra. Alls nam hagnaður BTC 6,8 milljörðum á fyrri árshelmingi.

Novator Telecom Bulgaria, félag Björgólfs Thors Björgólfssonar, hefur tryggt sér kauprétt á öllu hlutafé í Viva, sem fer með 65 prósent hlutafjár í BTC.

Tekjur BTC drógust lítillega saman á milli ára og voru alls 11,6 milljarðar króna á öðrum ársfjórðungi. Mikill árangur náðist í því að skera niður kostnað. Þannig lækkaði launakostnaður á fjórðungnum um 37 prósent.