HB Grandi á iSEC

Opnað verður fyrir viðskipti með bréf í HB Granda á iSEC markaði Kauphallarinnar annan október næstkomandi. Stjórn Kauphallarinnar hefur samþykkt beiðni HB Granda um að bréf félagsins verði afskráð af aðallista Kauphallarinnar.

HB Grandi verður þar með annað félagið á iSEC markaðnum. Hampiðjan er fyrir á markaðnum en enn hafa engin viðskipti orðið með bréf í félaginu.

iSEC markaðurinn er einkum ætlaður sprotafyrirtækjum og eru skráningarskilyrði ekki jafn ströng og á aðallistanum. Þá er skráningarkostnaður talsvert lægri.