Keops kynnt

Forstjóri Keops A/S, Ole Vagner, kynnti félagið og fjárfestingastefnu þess í gær, ásamt því að fjalla um strauma og stefnur á fasteignamörkuðum í Skandinavíu, á fjárfestakynningu á Hótel Nordica í gær.

Kom þar meðal annars fram að Keops A/S er eitt stærsta skráða fasteignafélag á Norðurlöndum, með starfsemi í Danmörku, Svíþjóð, Spáni, Tyrklandi og Kína. Nýverið hafi það lokið stærstu einstöku kaupum á fasteignum á Norðurlöndum þegar félagið keypti eignir í Svíþjóð fyrir um 5,4 milljarða danskra króna.

Árið 1989 Ole Vagner bankastjóri í banka sem nýlega hafði verið yfirtekinn og stóð hann því á tímamótum. Hann afréð að þiggja starfslokasamning og freista gæfunnar á nýjum slóðum. Stofnaði hann lítið fyrirtæki sem sérhæfði sig í fasteignafjárfestingum fyrir auðuga einstaklinga og leið ekki leið á löngu þar til fyrirtækið braust fram á völlinn sem alhliða fasteiganfélag og er nú orðið eitt það stærsta á Norðulöndunum.