Ætlar að hætta 2009

Fabio Capello, þjálfari Juventus, hefur látið í veðri vaka að hann ætli sér að hætta knattspyrnuþjálfun árið 2009. ástæðuna segir hann að sé löngun til þess að fá meiri frítíma og ferðast um heiminn. Hann segir þó að hann vilji ekki hætta öllum afskiptum af þjálfun. ,,Eftir þrjú ár mun ég væntanlega hætta þjálfun en ég mun ekki setjast í helgan stein. Ætli ég vinni ekki eitthvað í sjónvarpi að lýsa leikjum eða eitthvað slíkt. Það er auðvitað erfitt að slíta sig algjörlega frá boltanum. Capello segir einnig að hann gæti vel hugsað sér að spreyta sig á þjálfun í erlendri deild. ,,Ég á eitt ár eftir af samningi mínum við Juventus. Það væri hins vegar gaman að þjálfa erlendis næstu tvö ár eftir það."