Juventus endurheimti 8 stiga forystu

Juventus endurheimti naumlega 8 stiga forystu sína á toppi ítölsku úrvalsdeildarinnar í knattspyrnu í dag þegar liðið sigraði Empoli 2-1. Eftir að hafa lent 0-1 undir á heimavelli sínum var það varnarmaðurinn Fabio Cannavaro sem gerðist hetja heimamanna og skoraði bæði mörk Juve.

Juventus er með 56 stig eftir 21 leik á toppi Serie A deildarinnar á undan Inter Milan sem er með 48 stig eftir 3-0 sigur á Palermo í gærkvöldi. AC Milan kemur í 3. sæti með 46 stig eftir 3-0 sigur á Siena í dag þar sem Brasilíumaðurinn Kaka skoraði tvisvar.

Livorno skoraði í viðbótartíma og tryggði sér 1-1 jafntefli við Treviso og verma 5. sætið á meðan Roma vann sinn fimmta sigur í röð í dag, 4-1 gegn Udinese.