Samningur vegna HM á Sýn

Heimsmeistarakeppnin í knattspyrnu hefst í Þýskalandi 9. júní í sumar. Allir leikirnir 64 verða sýndir beint á Sýn. Í dag var undirritaður samningur milli Sýnar og fjögurra stuðingsfyrirtækja. Landsbankinn, Iceland Express, Mastercard og Olís verða bakhjarlar Sýnar.

Samningurinn í dag var undirritaður í þýska sendiherrabústaðnum og er án efa einn sá viðamesti sem gerður hefur verið hér á landi. Fyrsti leikur keppninnar verður í Munchen föstudaginn 9. júní, þá mæta gestgjafarnir, Þjóðverjar, Kosta Ríkamönnum.