Haukasigur í Árbænum

Haukar lögðu Fylki í Árbænum í kvöld í fyrstu umferðinni í DHL deild karla í handbolta eftir hlé sem gert var á deildarkeppninni vegna EM í Sviss. Guðmundur Pedersen var markahæstur hjá Haukum með 9 mörk og Kári Kristjánsson skoraði 7, en hjá Fylki var Anar Agnarsson markahæstur með 8 mörk. Birkir Ívar Guðmundsson varði 18 skot í marki Hauka.

Stjarnan lagði Þór 37-34, Fram vann FH 28-20, Valur burstaði Víking/Fjölni 37-24, ÍR lagði KA á útivelli 31-30 og ÍBV sigraði HK 28-23 í Eyjum.