Mourinho er besti leikmaður Chelsea

Portúgalski miðjumaðurinn Deco, sem áður lék undir stjórn Mourinho hjá Porto þegar liðið vann Meistaradeildina á sínum tíma, segir að Mourinho sé besti leikmaður Chelsea.

"Mourinho er búinn að stimpla sigurhugarfarið inn í alla leikmenn liðsins, nokkuð sem þeir höfðu ekki þegar hann tók við. Síðan hafa þeir orðið enskir meistarar og gengið mjög vel. Það er baráttugleðin og sigurhefðin sem Mourinho hefur komið inn hjá liðinu sem er að fleyta því svona langt og því má segja að hann sé þeirra besti leikmaður," sagði Deco um fyrrverandi stjóra sinn.