Engar athugasemdir vegna yfirtökutilboðs

Yfirtökunefnd gerir ekki athugasemdir við yfirtökutilboð Skoðunar ehf, sem er félag í 100 prósent eigu Dagsbrúnar, í Kögun hf. Skoðun ehf. keypti 51 prósent hlutafjár í Kögun hf. 22. mars síðastliðinn og í kjölfarið gerði félagið öllum hluthöfum í Kögun hf. tilboð í hluti þeirra í félaginu. Gildistími þess er frá 18. apríl til 16 maí en tilboðið hljóðar upp á 75 krónur á hlut.

Hlutirnir verða greiddir í formi reiðufjár í íslenskum krónum inn á bankareikning hluthafa eigi síðar en fimm dögum eftir að tilboðstímabili lýkur.