Átök við Gaza í dag

Til átaka kom á milli ísraelskra hermanna og herskárra Palestínumanna á landamærunum við Gaza í dag. Ísraelsmenn réðust þá inn á svæði nærri borginni Khan Younis með skriðdreka og jarðýtur en þá mætti þeim áköf skothríð frá palestínskum skæruliðum. Ekki er vitað um mannfall í átökunum en þetta eru harðvítugustu bardagar Ísraela og Palestínumanna síðan þeir fyrrnefndu hófu hernaðaraðgerðir sínar á miðvikudaginn. George W. Bush Bandaríkjaforseti skoraði í dag á Palestínumenn að láta ísraelskan hermann, sem er í haldi skæruliðahreyfinga lausann, ella myndi aðgerðum Ísraela ekki linna í bráð.