Eftirlýstir

Írösk stjórnvöld gáfu í dag út lista yfir 41 mann sem þeir vilja koma lögum yfir. Á meðal þeirra sem komast á listann eru Sadjída Tulfah, eiginkona Saddams Hussein, fyrrverandi forseta, og dóttir þeirra Raghad, en þær búa í Katar og Jórdaníu. Nýjan leiðtoga al-Kaída í landinu er einnig að finna á listanum svo og einn nánasta aðstoðarmanns Saddams sem talinn er fjármagna uppreisnarhópa súnnía. Írösk stjórnvöld segjast hafa sent framsalsbeiðnir til þeirra ríkja sem veitt hafa hinum eftirlýstu hæli og Interpol hefur sömuleiðis verið gert viðvart.