Yfirlýsing frá FL Group vegna fréttar Morgunblaðsins

FL Group hefur sent frá sér yfirlýsingu vegna fréttar Morgunblaðsins í dag um áhuga að minnsta kosti tveggja banka á að kaupa Icelandair.

Í yfirlýsingunni segir eftirfarandi: „Group hefur samhliða vinnu við undirbúning skráningar dótturfélags síns, Icelandair Group, á hlutabréfamarkað, orðið vart við áhuga fjárfesta á að kaupa félagið, ýmist að hluta eða heild. Viðræður hafa átt sér stað, en óvíst er um niðurstöður þeirra og of snemmt að tjá sig um efni þeirra og innihald."

„FL Group hefur áður lýst því að fyrirtækið sé tilbúið að selja Icelandair Group að hluta eða í heild, það hefur sömuleiðis lýst sig reiðubúið að eiga kjölfestuhlut áfram í félaginu. Ekkert hefur breyst í þessum efnum."