Totti tryggði Roma sigur á Milan

Francesco Totti var hetja Roma í kvöld þegar hann skoraði bæði mörk Roma í dramatískum 2-1 útisigri liðsins á AC Milan. Fyrir vikið er Roma aðeins einu stigi á eftir toppliðunum Inter og Palermo. Á sama tíma vann Fiorentina 3-1 sigur á Atalanta.

AC Milan hefur ekki gengið vel það sem af er leiktíðinni og er liðið aðeins í 15 sæti deildarinnar eftir 10 umferðir. Stig voru dregin af liðinu eftir Ítalíuskandalinn fræga í sumar, en fyrir vikið er liðið í vandræðum framan af leiktíð líkt og Fiorentina og Lazio sem sitja enn á fallsvæðinu í 18. og 19. sæti.