Ferguson hrósar Reading

Alex Ferguson, stjóri Manchester United, hrósaði Reading í hástert eftir viðureign liðanna á Old Trafford í gær. Ferguson sagði leikmenn liðsins hafa verið einstaklega baráttuglaða og að þeir hefðu gert heimamönnum afar erfitt fyrir.

„Þetta var góður sigur en fæðingin var virkilega erfið. Reading átti góðan leik og við þurftum að hafa okkur alla við en að landa þrem stigum skipti mestu máli á endanum," sagði Ferguson sem hrósaði Ronaldo svo í hástert.

„Strákurinn hefur verið algjörlega magnaður undanfarið. Hann á hrós skilið og skilaði sínu hlutverki óaðfinnanlega í þessum leik."