Er hæstánægður með höfuðstöðvarnar 3. október 2007 00:01 Einar Einarsson „Það hefur alltaf verið mikil áhersla lögð á vöruþróun hjá Marel. Þetta er stór dagur,“ segir Einar Einarsson, forstjóri Marel Food Systems í Bandaríkjunum, glaður í bragði þar sem við höfum tyllt okkur niður í einu af afdrepunum fyrir starfsfólk í nýjum höfuðstöðvum fyrirtækisins í Kansas. Þær voru opnaðar formlega fyrir sléttri viku. Einar getur vissulega verið ánægður enda höfuðstöðvarnar hinar glæsilegustu og margt þar að finna sem ekki tíðkast hjá fyrirtækjum vestanhafs. Eitt af því er afdrepið, en í Bandaríkjunum er slík hvíldaraðstaða almennt talin draga úr afköstum starfsfólks fremur en að blása því kappi í kinn eftir smáhvíld. Mér er sagt að þetta sé flutt vestur um haf frá Íslandi. Fleira kemur yfir Atlantshafið, svo sem lofthæðin, en talsvert er hærra til lofts í höfuðstöðvunum en alla jafna í bandarískum fyrirtækjum. Marel Food Systems er jafnvel meira umhugað um starfsmennina. Þeir sem rætt var við fullyrtu að þeir fengju betri tryggingar en gengur og gerist.HJARTAÐ Í SÝNINGARSALNUMEin af helstu nýjungunum í höfuðstöðvum Marel Food Systems er sýningarsalur þar sem viðskiptavinum gefst kostur á að prófa tæki fyrirtækisins við sem raunverulegastar aðstæður. Einar segir að þótt önnur fyrirtæki vestanhafs, sem þó séu sárafá, búi yfir slíkum sal, muni hann skipta sköpum fyrir gengi fyrirtækisins. Marel Food Systems hafi fram til þessa sent tæki á vörusýningar víða um land auk þess sem heilu línurnar hafi verið settar upp í verksmiðjum viðskiptavina til að sýna virkni þeirra við raunverulegar aðstæður. Nú sé hægt að breyta um áherslur. „Ef við setjum upp línur í verksmiðjum er misjafnt hvernig tekst til,“ segir hann og bætir við að stundum séu uppsetningar á vélum til sýnis í verksmiðjum ekki nógu vel heppnaðar því margt trufli kynningarnar. „En hér höfum við þá [viðskiptavinina] í friði og getum farið í gegnum allt ferlið með þeim óáreittir. Í rauninni ætti sölunni að ljúka hérna hjá okkur líka,“ segir Einar en flogið verður með viðskiptavini til höfuðstöðva Marel í Lenexa í Kansas í stað þess að flytja níðþungan tækjabúnað víðs vegar um land til uppsetningar í sýningarskyni.Einar segir það margborga sig að fá viðskiptavini fyrirtækisins til höfuðstöðvanna í Kansas í stað þess að flytja heilu línurnar landshorna á milli. Í fyrsta lagi sé það talsvert ódýrara auk þess sem slit á tækjum minnki til muna. „Við erum að íhuga það alvarlega að draga úr vörusýningum og færa markaðsstarfið í sýningarsalinn,“ segir Einar. Bæði hefur sýningunum fækkað og fyrirtækjum og gestum fækkað sem sækja slíkar sýningar enda hafa samrunar valdið því líkt og í öðrum iðngeirum að fyrirtækin eru færri en stærri. Hann segist vænta þess að breytingin muni skila verulegum ávinningi. „Við viljum fylgja þessu eftir og mæla árangurinn,“ segir hann.MIKLU VARIÐ Í VÖRUÞRÓUNAthyglisvert er hversu áhugasamir Marelmenn eru um eigin vörur; þeir bókstaflega hætta ekki að horfa á það sem betur má fara. Áhuginn smitar út frá sér, ekki síst til viðskiptavina. „Það hefur alltaf verið mikil áhersla lögð á vöruþróun hjá Marel. Það er lykilhugtak í sögu okkar,“ segir Einar og bendir á að fyrirtækið einbeiti sér að því að gera ávallt betur og hafi um árabil varið sex til átta prósentum af tekjum félagsins í vöruþróun. „Við höfum aldrei hvikað frá því en það þýðir að viðskiptavinir okkar geta alltaf verið vissir um að við séum alltaf með eitthvað nýtt,“ segir hann og bætir við að með sýningarsalnum í nýju höfuðstöðvunum sé enn frekar verið að undirstrika að hlutirnir gerist hjá Marel Food Systems. Héðan og þaðan Mest lesið Landsbankinn breytir framboði á lánum eftir vaxtadóminn Viðskipti innlent Byrjaði 18 ára í þjónustuverinu og hættir nú sem framkvæmdastjóri Viðskipti innlent Þrjú kvár stýra fyrirtækjum Viðskipti innlent Hyggjast opna lágvöruverslun og Orkustöð á Blönduósi Viðskipti innlent Telur breytinguna ekki stuðla að því að fólk festist í húsnæði Neytendur Öll lónin full og vatnsbúskapur tók stökkbreytingum Viðskipti innlent Ljóst að kaupverð á íbúðum í Vesturbugt verði í hærri kantinum Viðskipti innlent Framkvæmdastjórnin beinir spjótunum að Meta og TikTok Viðskipti erlent „Atvinnulífið er sannarlega að kólna“ Viðskipti innlent Seldu fyrir 634 milljónir og græddu 182 Viðskipti innlent Fleiri fréttir Byrjaði 18 ára í þjónustuverinu og hættir nú sem framkvæmdastjóri Öll lónin full og vatnsbúskapur tók stökkbreytingum Tekjur Isavia jukust um tæpa 1,2 milljarða króna milli ára Þrjú kvár stýra fyrirtækjum Hyggjast opna lágvöruverslun og Orkustöð á Blönduósi Landsbankinn breytir framboði á lánum eftir vaxtadóminn Ljóst að kaupverð á íbúðum í Vesturbugt verði í hærri kantinum „Atvinnulífið er sannarlega að kólna“ Landsbankinn hagnast um tæpa 30 milljarða á níu mánuðum Síminn kaupir Motus og Pei Sjóvá hagnast um 666 milljónir það sem af er ári Húsleit hjá Terra Kampavínsklúbbar, innherjasvik og nú meint skattsvik Telur neytendur hafa unnið pyrrosarsigur í vaxtamálinu Samstöðin tapaði fimmtíu milljónum Bara tala kynnti „Bare si det“ til leiks í Noregi Getur tekið einstæða foreldra allt að átján ár að safna fyrir íbúð Fasteignamarkaðurinn „kaupendamarkaður“ að mati fasteignasala Hagnaður minnkar um 1,5 milljarða milli ára Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Sjá meira
Þetta er stór dagur,“ segir Einar Einarsson, forstjóri Marel Food Systems í Bandaríkjunum, glaður í bragði þar sem við höfum tyllt okkur niður í einu af afdrepunum fyrir starfsfólk í nýjum höfuðstöðvum fyrirtækisins í Kansas. Þær voru opnaðar formlega fyrir sléttri viku. Einar getur vissulega verið ánægður enda höfuðstöðvarnar hinar glæsilegustu og margt þar að finna sem ekki tíðkast hjá fyrirtækjum vestanhafs. Eitt af því er afdrepið, en í Bandaríkjunum er slík hvíldaraðstaða almennt talin draga úr afköstum starfsfólks fremur en að blása því kappi í kinn eftir smáhvíld. Mér er sagt að þetta sé flutt vestur um haf frá Íslandi. Fleira kemur yfir Atlantshafið, svo sem lofthæðin, en talsvert er hærra til lofts í höfuðstöðvunum en alla jafna í bandarískum fyrirtækjum. Marel Food Systems er jafnvel meira umhugað um starfsmennina. Þeir sem rætt var við fullyrtu að þeir fengju betri tryggingar en gengur og gerist.HJARTAÐ Í SÝNINGARSALNUMEin af helstu nýjungunum í höfuðstöðvum Marel Food Systems er sýningarsalur þar sem viðskiptavinum gefst kostur á að prófa tæki fyrirtækisins við sem raunverulegastar aðstæður. Einar segir að þótt önnur fyrirtæki vestanhafs, sem þó séu sárafá, búi yfir slíkum sal, muni hann skipta sköpum fyrir gengi fyrirtækisins. Marel Food Systems hafi fram til þessa sent tæki á vörusýningar víða um land auk þess sem heilu línurnar hafi verið settar upp í verksmiðjum viðskiptavina til að sýna virkni þeirra við raunverulegar aðstæður. Nú sé hægt að breyta um áherslur. „Ef við setjum upp línur í verksmiðjum er misjafnt hvernig tekst til,“ segir hann og bætir við að stundum séu uppsetningar á vélum til sýnis í verksmiðjum ekki nógu vel heppnaðar því margt trufli kynningarnar. „En hér höfum við þá [viðskiptavinina] í friði og getum farið í gegnum allt ferlið með þeim óáreittir. Í rauninni ætti sölunni að ljúka hérna hjá okkur líka,“ segir Einar en flogið verður með viðskiptavini til höfuðstöðva Marel í Lenexa í Kansas í stað þess að flytja níðþungan tækjabúnað víðs vegar um land til uppsetningar í sýningarskyni.Einar segir það margborga sig að fá viðskiptavini fyrirtækisins til höfuðstöðvanna í Kansas í stað þess að flytja heilu línurnar landshorna á milli. Í fyrsta lagi sé það talsvert ódýrara auk þess sem slit á tækjum minnki til muna. „Við erum að íhuga það alvarlega að draga úr vörusýningum og færa markaðsstarfið í sýningarsalinn,“ segir Einar. Bæði hefur sýningunum fækkað og fyrirtækjum og gestum fækkað sem sækja slíkar sýningar enda hafa samrunar valdið því líkt og í öðrum iðngeirum að fyrirtækin eru færri en stærri. Hann segist vænta þess að breytingin muni skila verulegum ávinningi. „Við viljum fylgja þessu eftir og mæla árangurinn,“ segir hann.MIKLU VARIÐ Í VÖRUÞRÓUNAthyglisvert er hversu áhugasamir Marelmenn eru um eigin vörur; þeir bókstaflega hætta ekki að horfa á það sem betur má fara. Áhuginn smitar út frá sér, ekki síst til viðskiptavina. „Það hefur alltaf verið mikil áhersla lögð á vöruþróun hjá Marel. Það er lykilhugtak í sögu okkar,“ segir Einar og bendir á að fyrirtækið einbeiti sér að því að gera ávallt betur og hafi um árabil varið sex til átta prósentum af tekjum félagsins í vöruþróun. „Við höfum aldrei hvikað frá því en það þýðir að viðskiptavinir okkar geta alltaf verið vissir um að við séum alltaf með eitthvað nýtt,“ segir hann og bætir við að með sýningarsalnum í nýju höfuðstöðvunum sé enn frekar verið að undirstrika að hlutirnir gerist hjá Marel Food Systems.
Héðan og þaðan Mest lesið Landsbankinn breytir framboði á lánum eftir vaxtadóminn Viðskipti innlent Byrjaði 18 ára í þjónustuverinu og hættir nú sem framkvæmdastjóri Viðskipti innlent Þrjú kvár stýra fyrirtækjum Viðskipti innlent Hyggjast opna lágvöruverslun og Orkustöð á Blönduósi Viðskipti innlent Telur breytinguna ekki stuðla að því að fólk festist í húsnæði Neytendur Öll lónin full og vatnsbúskapur tók stökkbreytingum Viðskipti innlent Ljóst að kaupverð á íbúðum í Vesturbugt verði í hærri kantinum Viðskipti innlent Framkvæmdastjórnin beinir spjótunum að Meta og TikTok Viðskipti erlent „Atvinnulífið er sannarlega að kólna“ Viðskipti innlent Seldu fyrir 634 milljónir og græddu 182 Viðskipti innlent Fleiri fréttir Byrjaði 18 ára í þjónustuverinu og hættir nú sem framkvæmdastjóri Öll lónin full og vatnsbúskapur tók stökkbreytingum Tekjur Isavia jukust um tæpa 1,2 milljarða króna milli ára Þrjú kvár stýra fyrirtækjum Hyggjast opna lágvöruverslun og Orkustöð á Blönduósi Landsbankinn breytir framboði á lánum eftir vaxtadóminn Ljóst að kaupverð á íbúðum í Vesturbugt verði í hærri kantinum „Atvinnulífið er sannarlega að kólna“ Landsbankinn hagnast um tæpa 30 milljarða á níu mánuðum Síminn kaupir Motus og Pei Sjóvá hagnast um 666 milljónir það sem af er ári Húsleit hjá Terra Kampavínsklúbbar, innherjasvik og nú meint skattsvik Telur neytendur hafa unnið pyrrosarsigur í vaxtamálinu Samstöðin tapaði fimmtíu milljónum Bara tala kynnti „Bare si det“ til leiks í Noregi Getur tekið einstæða foreldra allt að átján ár að safna fyrir íbúð Fasteignamarkaðurinn „kaupendamarkaður“ að mati fasteignasala Hagnaður minnkar um 1,5 milljarða milli ára Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Sjá meira