Jafnt hjá Everton og Reading

Evrton og Reading skildu jöfn, 1-1, í viðureign liðanna í ensku úrvalsdeildinni sem var að ljúka rétt í þessu. Það var Andy Johnson sem jafnaði leikinn fyrir heimamenn í Everton á 81. mínútu eftir mistök Marcus Hahnemann í marki gestanna.

Áður hafði Reading komist yfir á 28. mínútu þegar Joleon Lescott skoraði óheppilegt sjálfsmark. Everton er í áttunda sæti úrvalsdeildarinnar og Reading því níunda eftir leikinn. Ívar Ingimarsson lék allan leikinn í vörn Reading og var fyrirliði liðsins. Brynjar Björn Gunnarsson gat ekki leikið með vegna meiðsla.