Magath rekinn frá Bayern Munchen

Það er ekki tekið út með sældinni að vera knattspyrnustjóri Bayern Munchen, en þýskir fjölmiðlar greina frá því nú eftir hádegið að félagið hafi rekið þjálfarann Felix Magath úr starfi í kjölfar lélegs gengis liðsins í undanförnum leikjum. Magath hafði stýrt liði Bayern til sigurs í deild og bikar bæði árin sín hjá félaginu. Það verður fyrrum þjálfari liðsins, Ottmar Hitzfeltd, sem tekur við það sem eftir lifir leiktíðar.

"Við urðum að grípa í taumana þar sem sæti í Meistaradeild Evrópu á næstu leiktíð var komið í hættu," sagði í yfirlýsingu frá Bayern í dag.