Umferðartollsvæði stækkað um helming

Svæðið sem borga þarf umferðartoll fyrir að keyra um í miðborg Lundúna stækkaði í morgun um helming. Svæðið var áður takmarkað við miðborg Lundúna en nú eru Notting Hill og Chelsea hverfin á meðal þeirra sem greiða þarf fyrir að keyra um í.

Ökumenn þurfa að greiða rúmlega eitt þúsund króna dagsgjald ætli þeir sér inn á svæðið. Borgarstjórinn í Lundúnum, Ken Livingstone, vonast til þess að umferð eigi eftir að minnka um tíu til fimmtán prósent vegna þessara aðgerða.