Erlent

Umsátur á Norðurbrú

Lögreglan í Kaupmannahöfn gerði áhlaup á Ungdomshuset á Norðurbrú í morgun og rýmdi það á svipstundu. Til harðra átaka hefur komið. Óeirðir eru einnig að brjótast út í Kristjaníu þar sem ungmenni hafa reist vegatálma og fleygt bensínsprengjum.

Það var fyrr í vetur sem mikil átök brutust út milli lögreglu og mótmælenda við húsið. Ungmenni hafa átt þar aðstöðu í aldarfjórðung en borgin seldi húsið fyrir fimm árum og síðan 2003 hafa nýir eigendur, kristilegu samtökin Faderhuset, reynt að fá unga fólkið út úr húsinu, án árangurs. Byggja eigi upp á reitnum eftir að húsið hafi verið rifið. Ungmenni hafa hins vegar hertekið húsið undanfarnar vikur og segjast ekki gefa það eftir baráttulaust.

Það var svo í morgun sem lögregla mætti að húsinu við Jagtvej sextíu og níu með mikið lið manna og þyrlur. Öllum var hent út á innan við hálftíma. Sérsveitarmenn sigu niður á þak þess. Lögregla umkringdi húsið, setti upp vegatálma og bannaði fólki að koma nálægt því. Fjöldi svartklæddra ungmenna safnaðist saman við húsið og hafa þau reynt hvað þau geta til að komast fram hjá tálmum lögreglunnar, gert hróp að lögreglumönnum og kastað grjóti í átt að þeim.

Lögregla ætlar að rífa húsið strax í dag og hefur sprengiefni verið flutt inn í það.

Á níunda tímanum í morgun bárust svo fréttir af því að óeirðir væru að brjótast út við Kristjaníu í Kaupmannahöfn þar sem ungmenni höfuð reist vegatálma og fleygt bensínsprengjum. Talið er að ungmennin þar séu að reyna að draga athygli lögreglunnar frá húsinu á Norðurbrú. Lögregla er með mikinn viðbúnað í Kristjaníu.

Björn Ingi Björnsson, ljósmyndari, er á Jagtveg. Hann segir allt með kyrrum kjörum nú. Mótmælendur haldi sig til hlés en líkast til að undirbúa sig fyrir frekari mótmæli síðar í dag. Hann segir nærliggjandi hús hafa verið rýmd og skólum og leikskólum lokað.

AP
AP
AP
AP
AP
AP
AP
AP
AP
AP
AP
AP
Erlent Fréttir

Tengdar fréttir

Ætlar borgin að rífa húsið strax í dag?

Ungmenni sem haft hafa aðstöðu í Ungdomshuset hafa kveikt elda á Nörrebrogade og henda nú grjóti og flöskum í átt að lögreglu sem stendur vakt um Ungdomshuset í Kaupmannahöfn. Samkvæmt heimildum Vísir ætlar lögregla að standa vörð um húsið í dag á meðan stórvirkar vinnuvélar koma og rífa það niður, þetta er þó ekki staðfest. Þá munu ungmenni vera að skipuleggja tilraun til að komast aftur inn í húsið.

Lögregla eykur viðbúnað vegna mótmæla

Lögregla eykur enn viðbúnað við Ungdomshuset í Kaupmannahöfn. Fjölmörgum leikskólum og skólum í Nörrebro-hverfinu hefur verið lokað. Þá er lögregla með sérstaka vakt við Stórabeltis-brúnna þar sem búist er við því að ungmenni víðsvegar að í landinu ætli að flykkjast til Kaupmannahafnar til að taka þátt í að mótmæla aðgerðum lögreglunnar við Ungdomshuset. Mótmælendum hefur þegar fjölgað mikið og hefur lögregla að sama skapi aukið viðbúnað sinn. Nokkrir götueldar loga nú í götunum í kringum Jagtvej, þar sem Ungdomshuset stendur en lögregla hefur lokað Jagtvej í báða enda.

Lögregla rýmdi Ungdomshuset

Lögreglan í Kaupmannahöfn gerði áhlaup og rýmdi Ungdomshuset á Norrebro á svipstundu í morgun. Þegar hefur fjöldi mótmælanda safnast saman og búist er við hörðum átökum. Lögregla hefur handtekið um 20 mótmælendur, þ.á.m. hóp sem reyndi að komast framhjá vegtálmum.

Merkri sögu Ungdomshuset að ljúka

Í dag lauk langri sögu Ungdomshuset sem hefur verið vinsæll samkomustaður fyrir ungmenni Kaupmannahafnar í marga áratugi. Átökin milli þeirra og borgaryfirvalda hafa stigmagnast á síðustu misserum og náðu hámarki með rýmingu hússins í morgun. Fróðlegt er að skoða forsögu hússins í ljósi atburða dagsins.

Rífa húsið strax í dag

Lögregla ætlar að rífa Ungdomshuset strax í dag og þegar hefur sprengiefni verið flutt inn í húsið. Aðstandendur hússins hafa boðað frekari fjöldamótmæli í kvöld og búist er við miklum fjölda. Á áttunda tug hafa verið handteknir í mótmælunum.

Óeirðir við Kristjaníu

Óeirðir eru að brjótast út við Kristjaníu í Kaupmannahöfn en þar hafa ungmenni reist vegatálma og fleygt bensínsprengjum. Slökkvilið er á staðnum og reynir að slökkva eldana.Talið er að ungmennin séu að reyna að draga athygli lögreglunnar frá Ungdomshuset á Norrebro. Þar hafa einnig verið kveiktir götueldar og þar er lögregla með mikinn viðbúnað.

Mest lesið


Fleiri fréttir

Sjá meira


×

Mest lesið