Hagnaður hjá Hitaveitu Rangæinga

Hitaveita Rangæinga skilaði 51,1 milljóna króna hagnaði í fyrra samanborið við 38,8 milljóna tap árið 2005. Hitaveita Rangæinga sameinaðist Orkuveitu Reykjavíkur við upphaf þessa árs.

Í ársuppgjöri hitaveitunnar kemur fram að rekstrartekjur námu 104,4 milljónum króna sem er 21 milljón krónu meira en árið á undan.

Rekstrarhagnaður fyrir afskriftir og fjármagnsliði (EBITDA) nam 62,7 milljónum króna sem er tæp tvöföldun á milli ára.

Eigið fé Hitaveitu Rangæinga undir lok síðasta árs námu 178,2 milljónum króna en það er 51,1 milljón króna betri afkokma en árið á undan.

Heildarskuldir námu 590,4 milljónum króna í lok ársins en það er aukning upp á 51,4 milljónir á milli ára.

Þá var eiginfjárhlutfall 23,18 prósent í árslok 2006 samanborið við 19,08 prósent í lok árs 2005.