Mikil spenna í Ekvador

Fjölmenni gerði árásir að þingmönnum í Ekvador í dag. Múgurinn henti steinum í þá og lömdu bíla þeirra en átök á milli stjórnarandstöðuþingmanna, sem eru í meirihluta, og forsetans Rafael Correa, aukast sífellt.

Hópurinn sem réðist að þingmönnunum gerði það til þess að koma í veg fyrir að þeir reyndu að stöðva áætlanir Correa um að halda þjóðaratkvæðagreiðslu en þingmennirnir voru á leið sinni í hæstarétt landsins. Þar ætluðu þeir að leggja fram kæru til þess að reyna að koma í veg fyrir að þjóðaratkvæðagreiðsla um stjórnarskrárþing fari fram þann 15. apríl næstkomandi. Ekki var ljóst hvort að einhverjir þingmenn hefðu slasast en lögregla handtók þónokkra úr hópi mótmælenda.