Doll blæs í herlúðra hjá Dortmund

Thomas Doll, nýráðinn þjálfari þýska úrvalsdeildarliðsins Dortmund, vill að leikmenn liðsins hætti að væla í fjölmiðlum og einbeiti sér að því að bjarga liðinu frá falli. Dortmund hefur átt mjög erfitt uppdráttar í vetur og er Doll þriðji þjálfari liðsins síðan um jól.

"Leikmennirnir ættu ekki að væla um það hvað þeir elska félagið í fjölmiðlum. Þeim væri nær að spæna upp æfingasvæðið og sýna mér hvað þeir ætla að gera til að halda liðinu uppi í deildinni. Ég mun fara yfir það vandlega á næstu dögum hverjir eru tilbúnir í verkefnið og þeir sem hengja haus geta ekki átt von á því að spila mikið fyrir þetta lið. Dortmund er stórkostlegt félag með ríka sögu - sem snýst um meira en fótbolta.