Birgir Leifur líklega áfram

Birgir Leifur Hafþórsson, kylfingur úr Leyni, lauk spilamennsku í dag á tveimur höggum undir pari. Í gær hafði hann spilað á tveimur höggum yfir og endar því á pari. Viðbúið er að hann komist í gegnum niðurskurðinn en Birgir er nú í 39. sæti ásamt hópi manna.

Birgir Leifur byrjaði vel í dag og fékk tvo fugla og fimm pör á fyrstu sjö holunum en í kjölfarið komu þrír skollar og eitt par. Á síðustu sjö holunum tók Birgir við sér og náði tveimur fuglum og rest á pari.