Stjarnan leiðir í hálfleik

Nú er kominn hálfleikur í viðureign Fjölnis og Stjörnunnar í Iceland Express deild karla í körfubolta. Stjarnan hefur verið með frumkvæðið lengst af í Grafarvogi og hefur yfir í hálfleik 46-39 eftir að hafa leitt 23-20 eftir fyrsta leikhlutann.

Nemanja Sovic er stigahæstur í liði heimamanna með 13 stig, Karlton Mims er kominn með 11 stig og Drago Pavlovic er með 8 stig.

Hjá Stjörnunni er Makedóníumaðurinn Muhamed Taci stigahæstur með 10 stig, en hann er að spila sinn fyrsta leik fyrir Garðbæinga í kvöld. Eiríkur Sigurðsson hefur skorað 9 stig og þeir Kjartan Kjartansson, Sævar Haraldsson og Dimitar Karadzovski 6 hver.

Síðast þegar fréttist voru Keflvíkingar í góðum málum í Stykkishólmi og höfðu þar yfir 68-49 gegn heimamönnum í Snæfelli.