Körfubolti

Tryggvi tókst á við Barcelona

Sindri Sverrisson skrifar
Tryggvi Snær Hlinason stóð í ströngu í dag.
Tryggvi Snær Hlinason stóð í ströngu í dag. Getty/Walter Cunha

Tryggvi Snær Hlinason og félagar í Bilbao Basket máttu sín lítils gegn stórveldi Barcelona í dag og töpuðu með 29 stiga mun, 90-61, í spænsku úrvalsdeildinni í körfubolta í dag.

Tryggvi spilaði einna mest í sínu liði eða 21 og hálfa mínútu, og skoraði sjö stig. Hann setti niður þrjú af fimm skotum sínum úr opnum leik og eitt vítaskot. Auk þess tók hann tók tvö fráköst.

Bilbao hefði með sigri getað jafnað Barcelona að stigum en er nú í 9. sæti, með 15 sigra og 11 töp, en Barcelona er í 5. sætinu með 17 sigra og 8 töp.

Börsungar voru talsvert sterkari allan leikinn í dag og komust í 21-7 í fyrsta leikhlutanum. Þeir juku forskotið í 18 stig fyrir hálfleik, 41-23, og voru komnir í 65-43 fyrir lokaleikhlutann.

Spænski körfuboltinn

Mest lesið


Fleiri fréttir

Sjá meira


×

Mest lesið