Hatton stal senunni í Vegas

Ricky Hatton hefur stolið senunni í Las Vegas þar sem hann undirbýr sig fyrir risabardagann við Floyd Mayweather á laugardagskvöldið. Hatton fangaði athyglina þegar hann mætti á MGM hótelið í máluðum breskum leigubíl.

Þó Mayweather eigi að heita á heimavelli hafa viðtökur fólksins í Las Vegas bent til þess að Hatton sé meistaraefni fólksins. Hann fékk gríðarlega góðar viðtökur þegar hann mætti á MGM hótelið á blaðamannafund, en bardaginn fer þar fram aðfaranótt sunnudagsins.

"Ég ákvað að berjast hérna í Bandaríkjunum því mig langaði að stækka aðdáendahópinn og ég heyrði ekki betur en að ég væri að fá bestu viðtökurnar. Það hyllti ekki nokkur maður Hatton þegar hann kom hingað - þetta eru allt aðdáendur mínir. Ég er hræddur um að mér hefði brugðið ef mér hefði verið tekið svona þurrlega á mínum heimavelli. Mayweather hagar sér sem maður fullur af sjálfstrausti, en ég er ekki frá því að hann sé óöruggur," sagði Hatton.