Stöðutákn og merki velmegunar Óli Kristján Ármannsson skrifar 27. febrúar 2008 06:00 Í verslun Franch Michelsen við Laugaveg fást Rolex-úrin víðfrægu. Frank segir eðlilegt að meta verðgildi fínni úra í tengslum við að þau kosti álíka og góður dekkjagangur á felgum undir meðaljeppa. Vísir/Stefán Armbandsúr eru af öllum stærðum og gerðum. Tveir af helstu úrasölum landsins segja að í viðskiptalífinu er í auknum mæli horft til armbandsúra við fyrstu kynni, ekki síður en til þess hvort viðkomandi sé í burstuðum skóm og snyrtilega til fara. Efnahagsþrengingar og fjármálaórói hafa ekki enn sett mark sitt á verslun með armbandsúr, að sögn Sævars Jónssonar, eiganda Leonard í Kringlunni. „En svo veit maður svo sem ekki hvar fólk byrjar að skera niður, eða hvað þetta ástand varir lengi,“ segir hann. Frank Michelsen úrsmiður, sem meðal annas selur Rolex-úr, segir hins vegar þreifingar hafa minnkað með lækkandi hlutabréfaverði í haust. „En að sama skapi hefur verið meira um alvörumenn að kaupa. Allt fram að verðbréfahruni í haust hefur hins vegar verið mikill uppgangur í þessari verslun með auknum umsvifum í fjármálageiranum,“ segir Frank. Báðir telja þeir Sævar og Frank ljóst að úrið sé eitt af því sem litið sé til við fyrstu kynni í viðskiptalífinu og jafnvel utan þess. Þessi háttur sé hafður á í útlöndum og hans verði í auknum mæli vart hér heima. „Oft eru úrin eins og punkturinn yfir i-ið. Fólk tekur kannski fremur eftir þessu þegar það fer á fundi í útlöndum. Þá er viðkomandi svona „skannaður“ á þremur til fjórum þegar hann er að hitta fólk í fyrsta skipti. Horft er á hvort skórnir séu ekki vel burstaðir og svo hvernig úrið er,“ segir Frank og telur geta skipt miklu máli í útlöndum að vera með rétta úrið eftir aðstæðum. „Og hér er þetta að koma. Menn gera sér grein fyrir því að þótt þú keyrir á upphækkuðum LandCruiser 200 eða tuttugu milljóna króna Range Rover, þá fer það illa saman við að vera með ódýrt plastúr.“ Sævar telur líka að menn smitist af umhverfi sínu. „Fari menn mikið á fundi í útlöndum sjá þeir að þar bera allir alvöru úr,“ segir hann og telur að gróflega megi skipta þeim sem kaupi fínni úr upp í tvo hópa. „Annars vegar eru þeir sem eru að kaupa fyrsta fína úrið. Þeir kaupa kannski tegund sem flestir þekkja. Svo eru aðrir sem eru meiri pælarar, lesa mikið af erlendum blöðum og þar fram eftir götunum. Þeir velja gjarnan úr af tegund sem minna er framleitt af, en kosta mun meira. Það eru úr sem almenningur veit ekkert hvað er,“ segir hann. Báðir segja jafnt gilda um konur og karla um mikilvægi þess að bera gott armbandsúr, þótt tilhneigingin kunni að vera meira áberandi hjá karlmönnum, enda séu úr einn af fáum skartgripum sem þeir geti borið, fyrir utan bindisnælu, ermahnappa og giftingarhring. „En nú eru konur líka farnar að vera mun sterkari í atvinnulífinu og þær vita alveg hvað þær vilja,“ segir Frank. Sævar í Leonard.Vegleg armbandsúr eru hins vegar ekki alveg gefin og skýrir það líka hvers vegna litið er til úranna sem stöðutákns. Frank vill hins vegar ekki gera of mikið úr verðinu. „Gott úr kostar svona svipað og þokkalegur dekkjagangur á felgum undir meðaljeppa. Og endist betur, því á einu úri getur þú farið í gegnum tuttugu Range Rovera,“ segir hann og hlær. Verð á góðum Rolex-úrum er hins vegar tæp 400 þúsund, en flestir sem á annað borð versla í þessum flokki segir Frank kaupa úr sem kostar á bilinu 500 til 1.500 þúsund krónur. Síðan eru líka til mun dýrari útgáfur. „Fyrir jólin var ég hér með úr sem kostuðu 2,7 milljónir króna og þau kláruðust öll.“ Sævar segir sömuleiðis verðbilið í armbandsúrum alveg upp úr og niður úr. Gullúr segir Sævar seljast minna, enda fari þau betur á dekkri húð en hvítri húð eins og hér sé yfirgnæfandi. „Enda eru hér flestar konur með hvítagullsúr.“ Úrin sem mestur áhugi er á hjá Sævari segir hann vera Breitling og frá IWC sem séu minna framleidd, án þess þó að vera svo miklu dýrari. Aukinheldur hefur verið mikill uppgangur í Tag Heuer-úrum, enda mikið lagt upp úr kynningu á þeim. „Svo erum við að fá inn mjög flott merki, eitt af toppunum í heiminum, sem heitir Breguet. Það eru klassísk úr og eitt elsta úramerki í heimi.“ Sævar segist fremur sérpanta dýrustu úrin en liggja með þau á lager, þótt í versluninni sé að finna úr upp í um eina og hálfa milljón króna. Birtist í Fréttablaðinu Héðan og þaðan Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent 208 sagt upp í fimm hópuppsögnum Viðskipti innlent Samkaup eignast 38 prósenta hlut í Kjötkompaní Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Einar rýfur þögnina: Vísar kenningum um fléttu á bug Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Spá óbreyttum stýrivöxtum í næstu viku Viðskipti innlent Fleiri fréttir Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Sjá meira
Armbandsúr eru af öllum stærðum og gerðum. Tveir af helstu úrasölum landsins segja að í viðskiptalífinu er í auknum mæli horft til armbandsúra við fyrstu kynni, ekki síður en til þess hvort viðkomandi sé í burstuðum skóm og snyrtilega til fara. Efnahagsþrengingar og fjármálaórói hafa ekki enn sett mark sitt á verslun með armbandsúr, að sögn Sævars Jónssonar, eiganda Leonard í Kringlunni. „En svo veit maður svo sem ekki hvar fólk byrjar að skera niður, eða hvað þetta ástand varir lengi,“ segir hann. Frank Michelsen úrsmiður, sem meðal annas selur Rolex-úr, segir hins vegar þreifingar hafa minnkað með lækkandi hlutabréfaverði í haust. „En að sama skapi hefur verið meira um alvörumenn að kaupa. Allt fram að verðbréfahruni í haust hefur hins vegar verið mikill uppgangur í þessari verslun með auknum umsvifum í fjármálageiranum,“ segir Frank. Báðir telja þeir Sævar og Frank ljóst að úrið sé eitt af því sem litið sé til við fyrstu kynni í viðskiptalífinu og jafnvel utan þess. Þessi háttur sé hafður á í útlöndum og hans verði í auknum mæli vart hér heima. „Oft eru úrin eins og punkturinn yfir i-ið. Fólk tekur kannski fremur eftir þessu þegar það fer á fundi í útlöndum. Þá er viðkomandi svona „skannaður“ á þremur til fjórum þegar hann er að hitta fólk í fyrsta skipti. Horft er á hvort skórnir séu ekki vel burstaðir og svo hvernig úrið er,“ segir Frank og telur geta skipt miklu máli í útlöndum að vera með rétta úrið eftir aðstæðum. „Og hér er þetta að koma. Menn gera sér grein fyrir því að þótt þú keyrir á upphækkuðum LandCruiser 200 eða tuttugu milljóna króna Range Rover, þá fer það illa saman við að vera með ódýrt plastúr.“ Sævar telur líka að menn smitist af umhverfi sínu. „Fari menn mikið á fundi í útlöndum sjá þeir að þar bera allir alvöru úr,“ segir hann og telur að gróflega megi skipta þeim sem kaupi fínni úr upp í tvo hópa. „Annars vegar eru þeir sem eru að kaupa fyrsta fína úrið. Þeir kaupa kannski tegund sem flestir þekkja. Svo eru aðrir sem eru meiri pælarar, lesa mikið af erlendum blöðum og þar fram eftir götunum. Þeir velja gjarnan úr af tegund sem minna er framleitt af, en kosta mun meira. Það eru úr sem almenningur veit ekkert hvað er,“ segir hann. Báðir segja jafnt gilda um konur og karla um mikilvægi þess að bera gott armbandsúr, þótt tilhneigingin kunni að vera meira áberandi hjá karlmönnum, enda séu úr einn af fáum skartgripum sem þeir geti borið, fyrir utan bindisnælu, ermahnappa og giftingarhring. „En nú eru konur líka farnar að vera mun sterkari í atvinnulífinu og þær vita alveg hvað þær vilja,“ segir Frank. Sævar í Leonard.Vegleg armbandsúr eru hins vegar ekki alveg gefin og skýrir það líka hvers vegna litið er til úranna sem stöðutákns. Frank vill hins vegar ekki gera of mikið úr verðinu. „Gott úr kostar svona svipað og þokkalegur dekkjagangur á felgum undir meðaljeppa. Og endist betur, því á einu úri getur þú farið í gegnum tuttugu Range Rovera,“ segir hann og hlær. Verð á góðum Rolex-úrum er hins vegar tæp 400 þúsund, en flestir sem á annað borð versla í þessum flokki segir Frank kaupa úr sem kostar á bilinu 500 til 1.500 þúsund krónur. Síðan eru líka til mun dýrari útgáfur. „Fyrir jólin var ég hér með úr sem kostuðu 2,7 milljónir króna og þau kláruðust öll.“ Sævar segir sömuleiðis verðbilið í armbandsúrum alveg upp úr og niður úr. Gullúr segir Sævar seljast minna, enda fari þau betur á dekkri húð en hvítri húð eins og hér sé yfirgnæfandi. „Enda eru hér flestar konur með hvítagullsúr.“ Úrin sem mestur áhugi er á hjá Sævari segir hann vera Breitling og frá IWC sem séu minna framleidd, án þess þó að vera svo miklu dýrari. Aukinheldur hefur verið mikill uppgangur í Tag Heuer-úrum, enda mikið lagt upp úr kynningu á þeim. „Svo erum við að fá inn mjög flott merki, eitt af toppunum í heiminum, sem heitir Breguet. Það eru klassísk úr og eitt elsta úramerki í heimi.“ Sævar segist fremur sérpanta dýrustu úrin en liggja með þau á lager, þótt í versluninni sé að finna úr upp í um eina og hálfa milljón króna.
Birtist í Fréttablaðinu Héðan og þaðan Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent 208 sagt upp í fimm hópuppsögnum Viðskipti innlent Samkaup eignast 38 prósenta hlut í Kjötkompaní Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Einar rýfur þögnina: Vísar kenningum um fléttu á bug Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Spá óbreyttum stýrivöxtum í næstu viku Viðskipti innlent Fleiri fréttir Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Sjá meira