Kópavogur grípur til aðgerða vegna lóða í Vatnsendahverfi

Bæjarráð Kópavogs samþykkti fyrir helgi að endurskoða kjör skuldabréfa og staðgreiðsluafslátt vegna lóða sem bærinn hefur úthlutað í Vatnsendahlíð. Ákveðið verður á næstu vikum hvernig kjörum verður breytt.

Ákvörðunin á við lóðir sem bæjarráð úthlutaði í nóvember síðastliðnum. Tilgangur þessa er að bregðast við breyttu efnahagsástandi.

Þá var um 200 lóðum úthlutað en nokkru hefur verið skilað.

Töluverðu hefur verið skilað af lóðum úr síðustu úthlutun á Völlunum í Hafnarfirði. Bæjaryfirvöld hafa ekki ákveðið aðgerðir, en það er ekki útilokað, að sögn Guðmundar Rúnars Árnasonar, formanns bæjarráðs. - ikh